D’Gemeng Esch-Sauer wëll hiert déifste Bäileed ausdrécken nom schrecklechen Accident, deen den 3. Mee am Kader vun der Biergcourse zu Eschduerf geschitt ass a bei deem eng Fra hiert Liewe verluer huet.
An dëse schwéiere Momenter si mir an eise Gedanke bei der Famill, de Frënn an allen Nooste vun der Verstuerwener, deene mir vill Kraaft a Courage wënschen.
Ee Merci geet awer och un d’Amicale vun de Pompjeeë souwéi un d’Entente vun Eschduerf fir hiren engagéierten Asaz. Hiert séiert an onermiddlecht Handelen an dëser schwéierer Situatioun verdéngt eise gréisste Respekt an Unerkennung.
